رزا عمران بیگ | برسلز
یورپی کونسل کے غیر رسمی اجلاس کے بعد صدر انتونیو کوسٹا نے 22 جنوری 2026 کو جاری کیے گئے اپنے زبانی نتائج میں متعدد اہم امور پر یورپی موقف واضح کیا ہے۔ اجلاس میں یورپی یونین اور ریاستوں کے سربراہان نے باہمی تعلقات، تجارت، آرکٹک سیکیورٹی اور عالمی امن جیسے موضوعات پر غور کیا۔
صدر کوسٹا نے کہا ہے کہ یورپی یونین اور ریاستہائے متحدہ ایک طویل مدتی شراکت دار اور اتحادی ہیں، جنہوں نے مشترکہ اقدار اور عوام کی سلامتی و خوشحالی کے لیے قریبی تعلقات قائم کیے ہیں۔ ان تعلقات کو احترام اور دوستانہ انداز میں برقرار رکھنے کی ضرورت پر زور دیا گیا ہے۔
گرین لینڈ اور ڈنمارک کے حوالے سے صدر کوسٹا نے واضح کیا کہ یورپی یونین، ڈنمارک اور گرین لینڈ کے مکمل ساتھ کا اعادہ کرتا ہے، اور ان معاملات میں فیصلے صرف انہی دو فریقوں کے اختیار میں ہوں گے۔ ساتھ ہی انہوں نے بین الاقوامی قانون، علاقائی سالمیت اور قومی خودمختاری کے اصولوں کے لیے اپنے عزم کو دہرایا۔
تجارتی امور میں صدر کوسٹا نے خوشخبری دی کہ یورپی یونین اور امریکی تجارتی معاہدے کے تحت امریکہ کی جانب سے نئے ٹیکسز (tariffs) عائد نہیں کیے جائیں گے، جو سرحد پار تجارتی تعلقات کی تثبیت کے لیے مثبت پیش رفت ہے۔ تاہم انہوں نے کہا کہ یورپ اپنے مفادات اور عوام، کمپنیوں اور ریاستوں کی حفاظت کے لیے کسی بھی دباؤ کے خلاف خود کو مضبوطی سے دفاع کرے گا۔
انہوں نے مزید کہا کہ یورپی یونین ریاستہائے متحدہ کے ساتھ مشترکہ مفادات پر تعمیری طور پر کام جاری رکھنا چاہتی ہے، جس میں یوکرین میں منصفانہ اور دیرپا امن کے لیے حالات پیدا کرنا بھی شامل ہے۔
غزہ تنازع کے حوالے سے صدر کوسٹا نے ظاہر کیا کہ یورپی یونین غزہ کے لیے جامع امن منصوبے پر عملی تعاون کے لیے تیار ہے، خاص طور پر UNSC قرارداد 2803 کے مطابق Board of Peace کے کردار کو تسلیم کرتے ہوئے۔
اختتام پر صدر کوسٹا نے کہا کہ یورپی یونین اپنے شہریوں کے لیے دفاع، مسابقت اور اسٹریٹجک خود مختاری کو مضبوط بنانے پر توجہ مرکوز رکھے گا، اور اسی کے پیشِ نظر 12 فروری 2026 کو ایک اسٹریٹجک اجلاس منعقد ہوگا جس میں یورپی سنگل مارکیٹ کو نئے گلوبل اقتصادی منظرنامے میں مضبوط بنانے پر تبادلہ خیال کیا جائے گا۔
