وزیر اعلیٰ خیبر پختونخوا علی امین گنڈاپور اور بانی پاکستان تحریک انصاف (پی ٹی آئی) عمران خان کی اہلیہ بشریٰ بی بی ہیلی کاپٹر کے ذریعے پشاور پہنچ گئے۔
وزیر اعلیٰ کے پی علی امین گنڈاپور اور بشریٰ بی بی ہیلی کاپٹر کے ذریعے مانسہرہ سے پشاور پہنچے۔
26 نومبر کو علی امین گنڈاپور اور بشریٰ بی بی اسلام آباد کا احتجاج چھوڑ کر مانسہرہ فرار ہو گئے تھے۔
گنڈاپور کو لینے کیلئے گاڑی پہنچی لیکن مظاہرین نے وزیر اعلیٰ کے پی کو جانے سے روک دیا
بشریٰ بی بی کی اپنی گاڑی سے وزیراعلیٰ خیبر پختونخوا علی امین گنڈاپور کی گاڑی میں منتقل ہونے کی ویڈیو سامنے آئی تھی۔
ذرائع کے مطابق جناح ایونیو پر آپریشن کے بعد بشریٰ بی بی اپنی گاڑی پر سیکٹر جی 8 پہنچیں، جہاں سے وہ علی امین گنڈاپور کی گاڑی میں سوار ہوئی تھیں۔
اسلام آباد بلیو ایریا کو شرپسندوں اور انتشار پسندوں سے خالی کروالیا گیا، سیکیورٹی ذرائع
بشریٰ بی بی رات 11 بج کر 57 منٹ پر اپنی گاڑی سےعلی امین کی گاڑی میں سوار ہوئیں، ویڈیو میں علی امین گنڈاپور کی سیکیورٹی ٹیم کی 2 گاڑیوں کو بھی دیکھا جاسکتا ہے۔
ذرائع کے مطابق بشریٰ بی بی علی امین کی گاڑی میں سیکٹرجی 8 سے مارگلہ روڈ کی طرف روانہ ہوئیں اور گاڑیاں وہاں سے پیر سوہاوہ روڈ سے ہوتے ہوئے خیبر پختونخوا کی طرف نکل گئیں۔
