وزیرِ داخلہ محسن نقوی نے ایف ایٹ ایکسچینج چوک انٹر چینج اور سرینا چوک انٹر چینج پراجیکٹس کا دورہ کیا۔
اس موقع پر ڈپٹی کمشنر اسلام آباد، سی ڈی اے کے سینئر افسران اور کنٹریکٹرز بھی موجود تھے۔
چیئرمین سی ڈی اے محمد علی رندھاوا نے دونوں پراجیکٹس کی پیشرفت پر بریفنگ دی۔
محسن نقوی کا بلوچستان کو ضروری وسائل ترجیحی بنیاد پر فراہم کرنے کا اعلان
محسن نقوی نے منصوبوں کے انڈرپاسز اور فلائی اوور کی تعمیر کے کاموں کا مشاہدہ کیا۔
انہوں نے دونوں میگا پراجیکٹس پر تعمیراتی کاموں پر پیش رفت کا جائزہ لیا اور دونوں منصوبوں کو ہر صورت مقررہ مدت میں مکمل کرنے کی ہدایت کی۔
وزیرِ داخلہ نے کام کو مقررہ مدت میں مکمل کرنے کی ہدایت دیتے ہوئے کہا کہ دونوں منصوبوںں پر 24 گھنٹے کام جاری رکھا جائے۔
اُنہوں نے دونوں منصوبوں کی سائٹس پر کام کرنے والے ورکرز سے ملاقات کی۔
محسن نقوی نے تمام ورکرز، کنٹریکٹر اور سی ڈی اے کو اسی جوش و جذبے سے کام جاری رکھنے کی تلقین کی۔
محسن نقوی نے کہا کہ ایف ایٹ ایکسچینج چوک انٹرچینج میں شامل انڈرپاس 25 دسمبر کو ٹریفک کے لیے کھول دیا جائے گا۔
دینِ اسلام انسانی حقوق کا علمبردار ہے: محسن نقوی
اُنہوں نے انڈرپاس صرف 43 دن میں مکمل کرنے پر کنٹریکٹر اور اسلام آباد انتظامیہ کی کارکردگی کو سراہا۔
وزیرِ داخلہ نے کہا کہ فروری کے دوسرے ہفتے میں ایف ایٹ ایکسچینج چوک انٹرچینج کا مکمل افتتاح کیا جائے گا جبکہ سرینا چوک انٹرچینج کا جنوری کے پہلے ہفتے میں افتتاح کیا جائے گا جو 60 دن میں مکمل ہو گا۔
اُنہوں نے یہ بھی کہا کہ کوشش ہے کہ اسلام آباد کے شہریوں کو عالمی معیار کی سہولتیں فراہم کی جائیں، ان منصوبوں کی تکمیل سے اسلام آباد میں ٹریفک کی روانی میں واضح بہتری آئے گی۔
