پاکستان ٹیسٹ اسکواڈ کے کھلاڑی کل جنوبی افریقا روانہ ہوں گے۔
ذرائع کے مطابق ٹیسٹ اسکواڈ کے کھلاڑی لاہور اور کراچی سے دبئی میں اکٹھے ہوں گے جہاں سے سب جوہانسبرگ کے لیے روانہ ہوں گے۔
شان مسعود، سعود شکیل، خرم شہزاد، میر حمزہ، محمد عباس، عامر جمال، حسیب اللّٰہ اور نعمان علی جنوبی افریقا روانہ ہوں گے۔
شاہین آفریدی کا ایک اور سنگ میل، ٹی ٹوئنٹی انٹرنیشنلز میں 100 وکٹیں مکمل
ریڈ بال فارمیٹ میں ٹیم کے ہیڈ کوچ جیسن گلیسپی بھی کل جنوبی افریقا پہنچیں گے جہاں ٹیم کا کیمپ لگایا جائے گا۔
پاکستان اور جنوبی افریقا کے درمیان پہلا ٹیسٹ 26 دسمبر سے سینچورین میں ہو گا جبکہ سیریز کا دوسرا ٹیسٹ میچ 3 جنوری سے کیپ ٹاؤن میں کھیلا جائے گا۔
واضح رہے کہ بابر اعظم، محمد رضوان، سلمان آغا اور صائم ایوب تینوں فارمیٹ میں ہونے کے باعث جنوبی افریقا میں ہیں جبکہ نسیم شاہ، کامران غلام اور عبداللّٰہ شفیق ون ڈے اور ٹیسٹ اسکواڈ میں شامل ہیں۔
